"Reziklarte 09 " kanpaina

Publikoak aukeratutako saridunak

Reziklarte'09 erakusketak San Marko Mankomunitateko herriz herriko ibilbidea amaitu du!!  Arte bilakatutako 26 edukiontziak ikusgai izan dira mankomunitateko 10 udalerrietan. Erakusketak izan duen postu informatzailera etorri den publikoari gustukoen jotzen zuen arte lanari botua emateko aukera luzatu zaio eta, botu horiei esker (2030) azken bi sarien irabazleak ditugu:

• Lehen saria: Cristalino - Agustin Pontesta Icuza (Errenteria)
• Bigarren saria: Impacto - Shandra Pérez Lucero (Donostia)

Ikusi irudia handiagoa Ikusi irudia handiagoa

Saridun bakoitzak 500 euroko diru-saria eskuratuko du. Antolatzaileen balorazio positiboa azpimarratu nahi da honako oharrean, batez ere, bertatik pasa diren 10.000 pertsona baino gehiagok jaso dutelako informazioa kanpanainaren xede nagusiaren inguruan: hondakinak birziklatzea guztion ardura da eta horretarako gaikako bilketan parte hartu beharra dugu hondakinak ez nahastuz! Zenbaki honi, arte lanak egon diren gune publikoetan ikusi dituen herritar kopuru handia gehitu beharko genioke. Halaber, talde antolatzaileak eskerrak eman nahi ditu erakusketara etorri den publiko guztiari eta hedabideei eskainitako harrera onagatik, gainera zoriondu nahi ditu ekitaldian parte hartu duten artista guztiak azaldutako gogo biziagatik!!!

Orain urte batzuk hondakinen kudeaketa-sisteman atez ateko gaikako bilketa sartu zenetik, edukiontzien lekua hartu du esekitokien sistemak.
Edukiontzi zahar asko gordeta zeudenez, esku-hartze artistiko bat antolatu ahal izan da; edukiontziak arte-euskarri bihurtu dira, San Marko Mankomunitatea osatzen duten 10 udalerriak igarotzen ari den erakusketa ibiltarirako.

Ikusi irudia handiagoa

Erakusketa ibiltariaren egutegia, PDFn (3 Mb)

Informazio-gunearen ordutegia:

Larunbata-Igandea: 11:00 - 14:00 / 17:00 - 19:00
Astegunak: 16:00 - 19:30

Ekimen honen bidez, helburu hauek bete nahi dira:

• Artea eta gaikako bilketa elkartzea, xarma eta dotorezia gehitzeko birziklatzeari buruzko ohiko mezuei.
• Erabiltzen ez diren edukiontzi zaharrak aprobetxatzea arte-ekintza baterako.
• Arte-ekintza grafikoki gordetzea, dokumental moderno eta erabilera askokoa bihurtuz, hainbat euskarritan emateko: telebista, Internet…
• Erakusketa ibiltari bat egitea arte-euskarri bihurtutako edukiontziekin, birziklatzeari buruzko zalantzak, aukerak eta abar argitzeko.
• Ekintza indartzea, San Marko Mankomunitatea osatzen duten udalerrietako etxeetara birziklatzeari buruzko informazioa bidalita, paper-formatu oso ikusgarrian.
  
  

Deialdi irekia irailean zehar egin zen, eta penintsulako hainbat lekutako 64 artistak erantzun diote. Horietatik, lehiaketa honetarako berariaz eratutako epaimahaiak erakusketa osatzen duten 26 artelanak hautatu zituen.

Ireki Kartela pdf formatoan (987 kb).

Artista bakoitzak, bere estudioa aurkeztu ondoren, astebete izan zuen artelana burutzeko. Denbora hori igarotakoan, epaimahaiak zer hiru artelan sarituko ziren erabaki zuen, eta erakusketan informazioa emateko atondu zen leku berean banatu ziren sariak.

• Lehen saria: Residuos y Reciclos - Fco. J. Perdomo (Bartzelona)
  
  Ikusi irudia handiagoa
• Bigarren saria: The recycling game - Imanol Etxeberria / Mikel Arevalillo (Hernani)
  
  Ikusi irudia handiagoa
  
• Hirugarren saria: Ciudad Maldita - Cristian Alberto Crowley (Irun)
  
  Ikusi irudia handiagoa

Erakusketa hasi aurretik, 120.000 informazio-liburuxka banatu dira postontzietan. Liburuxka horietan, hondakinak jasotzeko zerbitzuetan utzi behar diren zabor-motei buruzko zalantzak argitzen dira.

"Ez nahastu, birziklatzea guztion ardura da" Informazio liburuxka (2,92 Mb)

Erakusketak bi formatu dauzka; beraz, hasten den eta amaitzen den udalerrietan (hots, Donostian eta Errenterian, hurrenez hurren) 26 artelanak ikusi ahal izango dira. Gainerako udalerrietan erakusketa erdibanatu egingo da, eta udalerri bakoitzean 13 edukiontzi erakutsiko dira. Dena dela, edozein udalerritan informazio-postura joaten diren ikusleek hauek guztiak egiteko aukera izango dute: gaikako bilketa-mota bakoitzaren inguruan dituzten zalantzak argitu, joko errazen bidez; artistek artelana gauzatzeko izan duten astean jarraitu duten sormen-prozesuari buruzko informazioa jaso; Usurbilen egiten ari den atez atekako zabor-bilketaren xehetasunak ezagutu; eta, azkenik, gehien atsegin duten artelanaren aldeko botoa eman. Izan ere, botoa ematen duten ikusleek bi accesit nori emango zaizkion erabakiko dute; sari horiek erakusketaren ibilbidea amaitzen denean banatuko dira.

Erakusketan ikusi ahal diren artelanak (6,97 Mb)

Egin klik hemen 26 artelanak erakusten dituen orria ikusteko.

Reziklarte'09 Bideoak:

• Bideoa I. Artelanen sortze prozesua
  
• Bbideoa II. Erakusketa kalean
  
• Bideoa III. Sari-emate ekitaldia